टोटनह्यामको लज्जास्पद हार, न्यूक्यसासँग ५–१ ले पराजित

काठमाडौ । इंलिस प्रमियर लिगको आइतबार राति भएको आफ्नो अन्तिम खेलमा टोटनह्यामले लज्जास्पद हार बेहोरोको छ ।

तीन खेल बाँकी हुँदासम्म उपाधिको दाबेदार रहेको टोटनह्याम अन्तिम खेलमा न्यूक्यसासँग ५–१ को लज्जास्पद हार बेहोरहेको हो ।

हारसंगै टोटनह्याम तेस्रो स्थानका साथ यस सिजनको सकाएको छ । रेलिगेशनमा परेको न्युक्यासलको जितमा जर्जिनियो विनाल्डमले २, अलेक्जेन्डर मिट्रोविच, रोनाल्डो आरोन्स र डेरियल माटले १-१ गोल गरेका थिए ।

खेलको ६०औं मिनेटमा एरिक लामेलाले टोटनह्यामका लागि एक गोल फर्काएका थिए ।

हारपछि तेस्रो स्थानमा झरेको टोटनह्याम दोस्रो स्थानको आर्सनल भन्दा एक तथा च्याम्पियन लिसेस्टर भन्दा ११ अंकले पछि रहेको छ । टोटनह्यामको लिगका सबै खेल सकिँदा ७० अंक रहेको छ ।

यस्तै म्यान्चेस्टर सिटी ६६ अंकसहित चौथो स्थानमारहेको छ भने साउथहम्टन ६३ अंक सहित लिगमा पाँचौमा रहेर यो सिजन सकाएको छ ।