टोरोन्टो क्यानाडा विशाल टोरोन्टो क्षेत्रमा साहित्य गतिविधिलाई निरन्तरता दिन २००४ को वसन्त पञ्चमीका दिन स्थापना भएको नेपाली साहित्य समाजले स्थापना कालदेखि नेपाली भाषा साहित्यको संरक्षण र संवद्र्धन गर्दै क्यानाडामा साहित्य गतिविधिलाई निरन्तरता दिदै आएको छ । नेपाली साहित्यका महारथीहरुको जन्मजयन्तीसँगै विभिन्न चरणमा नेपालबाट आउनु भएका साहित्यकारहरुको सम्मानकार्य सम्पन्न गर्दै आएको छ । समाजले क्यानाडाका काव्यकारहरुका अभिव्यक्तीलाई एउटै चौतारीमा ल्याएर क्यानाडाको काव्य सुसेलीको प्रकाशनबाट लिएर पहिलो उत्तर अमेरिका काव्य संगमको आयोजना सफतला पूर्वक गरेरे थियो । नेपाली साहित्य समाजले क्यानाडाभरी साहित्यिक गतिविधिलाई एकरुपताका साथ निरन्तरता दिने उद्देश्य राखेर नेपाली साहित्य समाज क्यानाडाको नामबाट नियमानुसार दर्ता गर्ने कार्य शुरु गरेको छ र अर्को साहित्यिक कार्यक्रममा दर्ता भईसक्ने छ । आदिकवि भानुभक्तको जन्म दिवस् मनाउने क्रमममा साहित्यकार र खेलाडीहरुकाबीचक रोमञ्चकारी फुटवल प्रतियोगिता र कवितावाचन कार्यक्रमको आयोजना गर्दै आएको समितिले द्यौसीभैलो कार्यक्रमको पनि आयोजना गर्दै आएको छ ।
गत शनिवार समितिले लक्ष्मी जयन्तीसँगै आफ्नो वार्षिक साधारणसभा सम्पन्न गरी नयाँ कार्यासमिति चयन गरेको छ । नेपाली साहित्य समाज, क्यानाडाको निवर्तमान अध्यक्ष रमेश थापाको अध्यक्षमा सम्पन्न कार्यक्रम निवर्तमान सचिव रविन थपलियाले महाकवि देवकोटाको जीवनका रोचक घटनाहरुको जानकारीसहित संचालन गर्नु भएको थियो । डा. तुलसी धरेलको स्वगत मनतव्यबाट शुरुभएको कार्यक्रममा विभिन्न नेपाली संस्थाहरु गैरआवासीय नेपाली संघ, क्यानाडा, एनसिएनसि, एनसिसिएस, बाग्लुङ्ग सेवा समाज आदिबाट प्रतिनिधित्व भएको थियो । कार्यक्रममा गोपीकृष्ण काफ्ले र डा. गोबिन्द रावतले देवकोटाको साहित्यिक व्यक्तित्वका बारेमा प्रकाश पार्नु भएको थियो भने निवर्तमान महासचिव डा. विष्णु गौतम र निवर्तमान कोषाध्यक्ष लीलानाथ पाण्डेले वार्षिक प्रतिवेदन र आयव्ययका बारेमा जानकारी गराउनु भएको थियो । सभाध्यक्ष रमेश थापाले विगत दुई वर्षमा समाजले गरेका महत्वपूर्ण कार्यहरुका बारेमा जानकारी गराउनु भएको थियो । । संचालित नेपाली साहित्य समाजलाई क्यानाडाको एउटै साहित्यिक चौतरी बनाएर लैजाने उद्देश्य राखेर यसको दर्ता कार्य शुरुभएको हो । यसलाई व्यापकता दिन क्यानाडाभरीबाट प्रतिनिधित्व रहने गरी नयाँ कार्यसमिति गठन गरिएको छ । डा. गोबिन्दसिंह रावतको अध्यक्षतामा गठन गरिएको समितिमा श्रृजना लम्साल (आचार्य) उपाध्यक्ष, रविन थपलिया महासचिव रहेका छन् । अरु कार्यसमितिको विभाजन पछि गरिनेगरी समितिका सदस्यहरुमा विशाल टोरोन्टोबाट मुक्ती गौतम, अनुप न्योपाने, राधिका अर्याल, प्रदिप पौडेल, हरी लम्साल, लीलानाथ पाण्डे, अच्युत काफ्ले, मोहन खरेल र डा. श्याम खनाल रहनु भएको छ । त्यस्तै क्यालगरीबाट ऋषी बस्ताकोटी, एडमण्टनबाट रामकृष्ण शर्मा र ईश्वर खत्री, भ्यानकुभरबाट मानकाजी, अटवाबाट सुरेन उप्रेती रहनु भएका छन् । समाजको सल्लाहकारमा गोपीकृष्ण काफ्ले, डा. तुलसी धरेल र रमेश थापा रहेका छन् ।
लक्ष्मी जयन्तीको उपलक्ष्यमा सम्पन्न काव्यगोष्ठीमा देवकोटाको पागल कविता वाचन गरेर महाकविलाई सम्झिएको थियो । काव्यगोष्ठीमा मुक्ती गौतम (मेरो सपनाको गाँऊ), अच्युत काफ्ले (एकान्तमा आफैसँग), रमेश थापा (भट्टीवाली ठुली), मोहन खनाल (ठीक बेठिक), रोहिणी शुक्र (मैले हार्ने युद्ध), माधव दाहाल (साथी तिम्रो बन्ध्याकरण गर्नु पर्छ), लिलानाथ पाण्डे (बेवकुफ), प्रदिप पौडेल (तिहार सन्देश), ऋषी बस्ताकोटी(गीत), गोपीकृष्ण काफ्ले (हामीले बुझेनौं, केही मुक्तक), विष्णुप्रसाद खनाल – अमेरिका (सार्वजनिक विदा ठोकियो, वाचन उज्जवल थापा), डा. तुलसी धरेल (मुक्तकहरु), रविन थपलिया (सपनाको मान्छे) र डा. गोबिन्द रावत (मलाई देश दुख्छ) आदिले आआफ्नो कविता सुनाउनु भएको थियो ।