गायन, नृत्य, खेलकुद र ब्युटी प्याजेन्ट सहितको बृहत कार्यक्रम ‘हिमालय फेष्टिभल’को चौथो श्रृंखला अमेरिकाको हेरिसबर्गमा हुने भएको छ । स्थापित कलाकार र सेलिब्रेटीहरु देखि नव प्रतिभाहरु सबै एकै ठाँउमा भेला भएर अमेरिकामा मनाईने नेपालीभाषीहरु बीचको यो बिशेष पर्व यसअघि क्रमश २०१४, १५ र १६ मा हिउस्टन टेक्सस, टेनिसी र क्लिभलेन्डमा भब्य रुपमा सम्पन्न भएको थियो ।
कला, साहित्य र संस्कृतिको संरक्षण, सम्बर्द्धन र प्रबर्द्धन गर्दै आएको हिमालय फेष्टिभल हिमालय क्षेत्रका सबैको साझा थलो बन्दै आईरहेको छ । यसपाली पनि अमेरिकामा रहेका सबै नेपालीभाषीलाई कार्यक्रममा उल्लासका साथ सहभागी हुन आयोजकले अनुरोध गरेको छ । जुलाई २० देखि २३ सम्म पेन्सिलभेनियाको हेरिसवर्गमा यो फेष्टिफल चल्ने बताईएको छ ।