टोरोन्टो ।
युनाइटेड स्टेट अफ अमेरिकाको टेक्सास शहरमा लगातारको आँधी पानी र हुरिले जनजीवन अस्तव्यस्त बनेको छ । समुद्री आँधी हार्भेमा परी पाँच जनाको मृत्यु भईसकेको छ भने हजारौ मानिस प्रभावित भएका छन् ।
टेक्सासको हस्टन र वरिपरीबाट दुई हजारभन्दा बढीको उद्धार गरिएको अधिकारीहरुले जनाएका छन् । कहाँ के कति जनधनको क्षति भयो भन्ने कुनै आंकलन गर्न नसकिएको टेक्सास राज्यका गभर्नरले बताएका छन् ।
मानिसहरुलाई सार्वजनिक आश्रयस्थलहरुमा राखिएको छ । अमेरिकाको राष्ट्रिय मौसम केन्द्रले परिस्थिति कल्पना गरेभन्दा बाहिर पुगेको जनाएको छ । २५० भन्दा बढी सडक मार्गहरु बन्द हुँदा आवागमन ठप्प भएको छ । विमानस्थल बन्द गरिएको छ ।
तस्विर : सन्देश लम्साल
Save
Save
Save