नेपाललाई कुल ५१ स्वर्ण प्राप्त
क्यानाडाखबर संबाददाता – काठमाडौं ।
नेपाललाई कुल ५१ स्वर्ण प्राप्त नेपालका मुख्य तीन सहरहरुमा १० दिन देखि चलेको १३ औं दक्षिण एसियाली खेलकुद (साग)को भव्यरुपमा समापन गरिएको छ ।
यस दौडानमा नेपालले कुल ५१ औँ स्वर्ण, ६० रजत र ९५ काँस्यसहित कुल २०६ पदक हात पार्न सफल भएको छ । पुरुष फुटलवल तर्फ भुटानलाई दुई एकको गोल अन्तरले पाखा लगाउंदै नेपालले सागको अन्तिम स्वर्ण जितेपछि नेपालको कुल स्वर्ण ५१ पुग्यो ।
मंसिर १५ बाट शुरु भएको १३औं साग काठमाडौं पोखरा र जनकपुरमा संचालन भएको थियो । सागको समापनका अवसरमा भिडियो प्रविधिबाट सम्बोधन गर्दै प्रधानमन्त्री केपी शर्मा ओलीले प्रतियोगिता ब्यवस्थित र भब्य रुपमा सम्पन्न भएकोमा खुसी ब्यक्त गर्दै सहभागी सबैलाई धन्यवाद दिनुभएको थियो ।
अब १४ औं दक्षिण एसियाली खेलकुद पाकिस्तानमा हुने भएको छ । समापन कार्यक्रममा आकर्षक झाँकी, मार्चपास, सांस्कृतिक कार्यक्रम समेत गरिएको थियो ।