काठमाडौँ । मोटरसाइकल दुर्घटनामा परी आज चन्द्रागिरि नगरपालिका–२० बस्ने मिलन शर्माको मृत्यु भएको छ ।
बिहान सात बजेतिर थानकोटबाट कलङ्कीतर्फ आउँदै गरेको बा.३ ख ७५८६ नम्बरको टिपरले बा.३१ प ८१२७ नम्बरको मोटरसाइकललाई कलङ्की श्यामा पेट्रोल पम्पअगाडि ठक्कर दिँदा गम्भीर घाइते भएका मोटरसाइकल चालक शर्माको उपचारका क्रममा शिक्षण अस्पतालमा मृत्यु भएकाे हाे ।
दुर्घटनामा मोटरसाइकलमा सवार काठमाडौं नगरपालिका–१४ बस्ने २३ वर्षीय अशोक महर्जनसमेत गम्भीर घाइते भएका छन् । टिपर र त्यसका चालकलाई प्रहरीले नियन्त्रणमा लिएको छ ।