टोरोन्टो,क्यानडा । एनआरएन क्यानडाले आउंदो शनिबार ‘गाला डिनर ‘ गर्ने भएको छ । हांस्यकलाकार दिपकराज गिरी र दिपाश्री निरौंला संगै बसेर डिनर खाने बातावरण मिसिसागा स्थित गोर्खा प्यालेसमा मिलाइेएको छ ।

नेपालबाट राष्ट्रिय कलाकार क्यानडा आएको अवसरमा सबै नेपालीहरु एकै ठांउमा भेला भएर चिना परिचय  सगै खानपिन गराउने लक्ष्य सहित यस्तो कार्यक्रम गर्न पहल गरिएको आयोजक संस्था एनआरएन क्यानडाका अध्यक्ष्य तुल्सी सापकोटाले बताए । उनका अनुसार १५० – २०० नेपाली समुदायको उपस्थिती कार्यक्रममा हुनेछ ।

हांस्यकलाकार जोडीले डिनर संगै आफ्ना प्रस्तुती पनी कार्यक्रममा देखाउनेछन् । ब्रामटोन स्थित एक संस्थाले आयोजना गरेको कार्यक्रमका लागि नेपालबाट क्यानडा आएका हास्यकलाकार जोडी केही दिन क्यानडा रहने बताइेएको छ ।