काठमाडौं । उरुग्वे अमेरिकामा जारी कोपा अमेरिका कप फुटबलको ४५ औं सस्करणको समूह चरणबाटै बाहिरिएको छ ।

सर्वाधिक १५ पटकको च्याम्पियन उरुग्वे लगातार दोस्रो हारसँगै प्रतियोगिताबाट बाहिरिएको हो ।

शुक्रबार विहान भएको खेलमा उरुग्वे भेनेजुएलासँग १–० गोल अन्तरले पराजित भएपछि उसको अघिल्लो चरण प्रवेशको ढोका बन्द भएको हो । पहिलो खेलमा उरुग्वे मेक्सिकोसँग ३–१ ले ले पराजित भएको थियो । अब उसले समूह चरणको अन्तिम खेलमा जमैकासँग प्रतिस्पर्धा गर्नेछ ।

उरुग्वेले पछिल्लो पटक २०११ मा उपाधि जितेको थियो । गत वर्षपनि उरुग्वे क्वार्टरफाइनलबाटै घर फर्किएको थियो ।
अहिलेसम्म उपाधि जित्न नसकेको भेनेजुएलाले १५ पटकको च्याम्पियनविरुद्ध ३६ औं मिनेटमा अग्रता लिएको थियो । उसका लागि सालोमान रोन्डनले गोल गरे ।