क्यानडा र अमेरिका पठाइदिन्छु भन्दै ४ जनासंग ३१ लाख रुपैंया ठगी गरेको आरोपमा सिन्धुपाल्चोकका ३१ वषिर्य तुलबहादुर तामाङ पक्राउ परेका छन् । फेसबुकमा आफ्नो नाम परिर्वतन गरी विदेशमा काम गरीरहेकासंग मित्रतागरी अमेरिका र क्यानडा लैजाने भन्दै नेपाल बोलाएर ९ देखी १३ लाख रुपैंयासम्म ठगी गरेको आरोपमा महानगरीय प्रहरी अपराध महाशाखाको टोलीले उनलाई बिहीबार पक्राउ 
गरेको हो ।
महाशाखाका अनुसार तामाङले फेसबुकमा जेभी नाममा खाता खोलेर विभिन्न ब्यक्तिलाई साथी बनाएर आफु क्यानडाको पिआर पाएको ब्यक्ति र आमा क्यानडामा डक्टर छिन् भन्दै प्रलोभन दिने गरेका थिए । प्रस्ताव विदेशमा बैदेशिक रोजगारीमा रहेकालाई क्यानडा र अमेरिका पठाइदिने प्रस्ताव राख्दै नेपाल बोलाउने गरेको अनुसन्धानमा खुलेको छ ।
महाशाखाको अनुसन्धान विवरण अुनसार उनको प्रस्तावमा लोभिएर लेवनानमा रोजगारीमा रहेकी श्रृजना दोङ्ग नेपाल आएकी थिइन् । उनीसंग भेटगरी तामागंले अमेरीकामा डिपेन्डेन्ट भिषामा पठाउने भन्दै उनीसंग ९ लाख रुपैंया लिएका थिए ।
उनले श्रृजनासंग विश्वसनिय सम्बन्ध बनाएर उनलाई नै क्यानडा जान चाहने अन्यको खोजी गराए । श्रृजनाले क्यानडाका लागी भाई भाई संजय दोङ्ग र मिम लामालाई राजी गराइन् र १३ लाख रुपैंया बुझाइन् । फेसबुकमै सम्पर्क भएकी साईप्रसमा रहेकी कुसुम लामालाई क्यानडा आफ्नो आमा डक्टर रहेको र उनलाई क्यानडा लैजाने प्रस्ताव राख्दै ९ लाख रुपैंया लिएको उनको बयानबाट खुलेको महाशाखाले जनाएको छ ।
विदेश पठाउने भनी तामाङबाट अन्य ब्यक्ति समेत ठगीएको हुनसक्ने भन्दै महाशाखाले कोही ठगीएको भए सम्पर्क राख्न आग्रह गरेको छ । आजको कान्तिपुरमा समाचार छ ।