काठमाडौं: उच्च माध्यमिक विद्यालय संघ (हिसान) का पूर्वसचिव तथा सामाखुशीस्थित रेडन कलेजका सञ्चालक बुद्धिप्रसाद पुडसेनीको निधन भएको छ । प्रोष्टेट क्यान्सरबाट पीडित पुडासैनीको धापासीस्थित ग्राण्डी अस्पतालमा उपचारको क्रममा आईतबार निधन भएको हो ।

हिसान अध्यक्ष रमेश सिलावालका अनुसार पुडासैनी विगत नौ दिनदेखि अस्पतालमा उपचाररत थिए । गोरखाका स्थायी वासिन्दा उनी ५२ वर्षका थिए । उनकी श्रीमती र तीन छोरी छन् ।

हिसान अध्यक्ष सिलवालले पुडासैनीको निधनबाट मुलुकको शिक्षा क्षेत्रले एक वौद्धिक र क्षमतावान व्यक्तित्व गुमाएको बताए । पुडासैनीको शव अहिले कलेज परिसरमा श्रद्धाञ्जलीको लागि राखिएको छ ।

दिउँसो दुई बजे पशुपति आर्यघाटमा दाह संस्कार गरिने कार्यक्रम रहेको सिलवालले बताए ।