क्यानाडाखवर संवाददाता-
अटोवा, क्यानाडा ।
एनआरएन क्यानडाले गत बर्ष झैं यस बर्ष पनि क्यानडाको राजधानी अटवामा नेपाली महिलाहरुको पवित्र हरितालिका तीज पर्वलार्इ गत शनिवारका एक कार्यक्रम गरी मनायो । आ-आफ्ना घरबाट पकाएर ल्याएका खिर. लट्टे, पुलाउ , आलुचना ,आलुतामा विभिन्न प्रकारका अचार जस्ता विविध नेपाली परिकारहरु सामुहिक खाएर खुशी साटासाट गरेका थिए । 
नेपाल भन्दा हजारौंमाइल टाढा रहेर पनि नेपाली कला संस्कृति र परंपरालार्इ एक पुस्ताबाट अर्को पुस्ता सम्म पुर्याउने अवसरका रुपमा मात्र सिमित नभइ यस्ता कार्यक्रमहरुले व्यस्त जीवनका तनाबहरुलार्इ अन्त्य गरेर मनोरंजन,एवं खुशि प्रदान गर्नुका साथै दुख र पिडालार्इ भुलाउने मन्चको रुपमा तीज पर्व रहेको कुरा सहभागीहरुले बताए ।
प्रदेशको छरिएका हामीहरु एक पटक एकै मन्चमा भेला भएर आ आफुले पकाएर ल्याएका विभिद व्यन्जनहरु खाने, नाच्ने गाँउने र रमाउने अवशर जुटाइ दिएकोमा सहभागिहरुले एनआरएन क्यानडा प्रति आभार प्रकट गरेका थिए । कार्यक्रममा स्थानिय नेपाली संघ संस्था, नेपाली राजादुताबासका परिवार र अटवामा बसोबास गर्ने नेपाली महिलाहरुको व्यापक सहभागिता रहेको थियो । महिलाहरुका नाचगानमा पुरुषहरुले पनि साथ दिएर हौशला प्रदान गरेका थिए ।
१६० रिडो स्ट्रिट र शार्लेट स्ट्रिटको कर्नरमा भएको उक्त कार्यक्रमलार्इ सफल बनाउन अटोवा निवासएे चिजु गौतम, सुचिता दवाडी, मिना शर्मा र तारा उप्रेतीले कार्यक्रम संयोजनमा सहयोग पुर्याएका थिए ।