१ सेप्टेम्वर, क्यानाडाखवर.कम, क्यालगरी व्युरो ।
क्यानाडाको क्यालगरीमा धुर्मुस सुन्तली साँझ २०१७ हुने भएको छ । धुर्मुस सुन्तली फाउण्डेसनको सहयोगार्थ आउँदो सेम्टेम्वर ९ मा क्यालगरीको फाल्कोनरिज (देशीबजार) स्थित मंगोलिया व्याङ्कवेट हलमा हुने कार्यक्रम स्थानिय डाँफे स्पोर्टस क्लव र नेप इन्टरटेन्मेन्टले आयोजना गर्न लागेको हो ।
कार्यक्रममा सिताराम कट्टेल (धुर्मुस) र कुञ्जना घिमिरे (सुन्तली) का साथै स्थानीय कलाकारहरुको पनि प्रस्तुति रहने भएको छ । कार्यक्रमको प्रत्यक्ष अवलोकनका लागि गोल्ड, सिल्भर र ब्रोञ्ज गरि तीन किसिमका टिकटहरु बजारमा उपलव्ध गराइएको छ । जसका लागि सर्वसाधरणले गोल्ड, सिल्भर र ब्रोञ्ज क्रमस १००, ५० र ३० क्यानेडियन डलरमा टिकट खरिद गर्नु पर्ने आयोजक कमिटीले जनाएको छ ।
कार्यक्रमलाई स्थानीय संस्थाहरु नेपालीज कम्युनिटी सोसाइटी अफ क्यालगरी, क्यालगरी नेपालीज कम्युनिटी एशोसिएशन, किराँत याक्थुङ्ग चुम्लुङ्ग क्यानाडा, लगायतका सँस्थाहरुको सहयोग रहेको छ ।