क्यानाडाखबर संबाददाता
टोरोन्टो क्यानाडा ।
प्रवासी नेपालीको कथा ब्यथालाई समेटिएर निर्माण गरिएको चलचित्र ‘ अमेरिकन बाबु मेड इन नेपाल’ क्यानाडामा प्रदर्शन गरिने भएको छ ।
यही शनिबार र आईतवार दिनको १ बजे देखी मिसीसागा स्थित सिनेस्टार मल्टिप्लेक्समा चलचित्र हेर्न सकिनेछ अमेरिका बस्दै आएका कलाकारहरुले अभिनय गरेको यो चलचित्रलाई इश्वर थापाले निर्देशन गरेका हुन् ।
लामो समय देखी क्यानाडा बस्दै आएका थापाले दर्जनौ म्युजिक भिडियो सगै थुप्रै चलचित्र निर्देशन गरिसकेका छन् ।
सिनेमामा र नन्दिता केसी,बाबु बोगटी ईशान ढकाल,क्रिस थापा, स्मृति पोखरेल र राजेश गुरुङको मुख्य अभिनय रहेको छ ।
राजेश गुरुङ, सम्झना उप्रेति र मन्जु रानाले संयूक्त रूपमा निर्माण गरेको यो चलचित्रको प्रिमियर सो अमेरिकामा गरिसकिएको छ । अमेरिकामा सबै दर्शकहरुको मन जित्न सफल यस चलचित्रले क्यानाडामा कत्तीको दर्शकहरु मन जित्नेछ त्यो भने हेर्न बाँकी छ ।