किम फर्किएकोमा र स्वस्थ रहेकोमा हर्षित छु : ट्रम्प
May 3, 2020
अमेरिकी राष्ट्रपति डोनाल्ड ट्रम्पले उत्तर कोरियाली नेता किम जोङ उन स्वस्थ फर्किएकोमा खुशी व्यक्त गरेका छन् । लामो समयदेखि सावर्जनिक नभएका किम शनिबार सुचोन फोस्फटिक फर्टिलाइजर फ्याक्ट्रीमा रिबन काटेको गरेको तस्बिर उत्तर कोरियाली राष्ट्रिय मिडियाले बाहिर ल्याएपछि उनी स्वस्थ रहेको पुष्टि भएको थियो ।
ट्रम्पले किमको तस्बिर सार्वजनिक गर्ने एक व्यक्तिको ट्विट रिट्विट गर्दै खुशी व्यक्त गरेका हुन् । उनले भने ‘उनी फर्किएकोमा र स्वस्थ रहेकोमा हर्षित छु’
फाईल तस्विर
तीन हप्तासम्म सार्वजनिक कार्यक्रममा नदेखिएपछि किमको स्वास्थ्य अवस्थाबारे विभिन्न अनुमानहरु गरिएका थिए ।
गत अप्रिल १५ मा आफ्नो हजुरबुबाको जन्मजयन्तीमा आयोजित कार्यक्रममा अनुपस्थित भएपछि किमको स्वास्थ्य अवस्थाबारे प्रश्न उठेको थियो । उनी त्यसको चार दिनअघि पार्टीको पोलिटब्युरो बैठकमा अन्तिम पटक सार्वजनिक रुपमा देखिएका थिए । एजेन्सीको सहयोगमा
