एजेन्सी । स्टार खेलाडी क्रिस्टियानो रोनाल्डोको उत्कृष्ट गोलमा सिरि ए को साविक विजेता युभेन्ट्सले जेनोआमाथि सानदार जित निकालेको छ ।
गएराति भएको खेलमा युभेन्ट्सले जेनोआलाई ३–१ गोल अन्तरले हराएको हो । युभेन्ट्सको जितमा रोनाल्डो, डिबाला र ड्युगलस कोस्टाले एक/एक गोल गरे । जेनोआका एन्ड्रिया पिनामोन्टीले सान्त्वना गोल फर्काए ।
पहिलो हाफ गोल रहित बराबरीमा सकिएको खेलमा पाउलो ड्याबालाले ५० औं मिनेटमा युभेन्ट्सलाई सुरुवाती अग्रता दिलाए । त्यसको ६ मिनेटपछि रोनाल्डोले गोल गर्दै युभेन्ट्सको अग्रता दोब्बर बनाए ।
यो सिजन उनको यो २४ औँ गोल थियो । सन् १९६०–६१ मा ओमार सिभोरीपछि सिजनमा २५ गोल गर्ने दोस्रो खेलाडी बन्न रोनाल्डो मात्र एक गोलले टाढा रहेका छन् ।
ड्युगलस कोस्टाले ७३ औ मिनेटमा गोल गर्दै पाहुना टोलीलाई ३–० को बलियो स्थितिमा पुर्याए । घरेलु टोलीका लागि एन्ड्रिया पिनामोन्टीले ७६ औं मिनेटमा एक गोल फर्काएका थिए ।
जितसँगै शीर्ष स्थानको युभेन्ट्सले ७२ अंक जाड्यो । दोस्रो स्थानको लाजियोसंग स्पष्ट ४ अंकको अग्रता लियो ।