क्यानडाखबर संबाददाता – काठमाडौं ।
काठमाडौंमा फुट्सल प्रतियोगिता हुने भएको छ । साहस स्पोर्टस को आयोजना यही आउदो फागुन ७ गते स्वयम्भु स्थित द एकसेलसियर स्कुलको मैदानमा आयोजना गर्न लागिएको बिपिन शर्मा मेमोरियल प्रतियोगितामा ३० भन्दा बढी टिमले सहभागीता जनाउने आयोजकले अपेक्षा राखेको छ ।
१ दिने खुल्ला फुटसल प्रतियोगितामा प्रथम हुने टिमले ७५५५५ दोस्रो हुनेले ३५५५५ त्यस्तै उत्कृष्ट खेलाडी र उत्कृष्ट गोल किपरले रु २५०० प्राप्त गर्ने आयोजक संस्थाका खेल संयोजक सन्तोष न्यौपानेले बताए ।
स्वयम्भु एरियाका चर्चित फुटबल खेलाडी बिपिन शर्माको स्मृतिमा फुटसल आयोजना गरिएको हो । शर्माको २ वर्ष पहिले हृदयघातका कारण मृत्यु भएको थियो । ट्रिपलजेम स्कुलका स्पोट्स कोच समेत रहेका शर्मा स्वयम्भु क्लबबाट फूटबल खेल्ने गर्थे । उनै शर्माको सम्झनामा अब हरेक वर्ष फुट्सल आयोजना गर्ने तयारी रहेको आयोजक संस्थाले बताएको छ ।
