नेपाली कथानक चलचित्र “सिटामोल” क्यानडाको मिसिसागामा प्रदर्शन हुँदै छ । यही अगस्ट २३ तारेख शनिबार प्रदर्शन हुने चलचित्रको च्यारिटी शोबाट बचेको सम्पुर्ण रकम क्यान्सर पीडित बिरामीलाई हस्तान्तरण गरिने कार्यक्रम संयोजक हेरुका लामाले बताए । सेन्ट्रल पार्कवे सिनेमा हल, मिसिसागामा दिउँसो ३ बजेबाट प्रदर्शन हुने फिल्म हेर्नको लागि टिकट दर २५ क्यानेडियन डलर राखिएको छ ।
“हामी क्यान्सर रोगीहरूको सहयोगका लागि विशेष चलचित्र च्यारिटी शो आयोजना गर्दैछौं। यो कार्यक्रम केवल मनोरञ्जन मात्र होइन, यो आशा, माया र हेरचाहको सन्देश पनि हो।” कार्यक्रम संयोजक लामाले भने । कार्यक्रम संयोजक हेरुका लामा मोडल, सिंगर, कोरियोग्राफर तथा निर्देशक समेत रहेका अनुभवी र पाका नेपाली कलाकार हुन । कलाकारले सधैं आम्दानी र नाफा मात्रै हेर्नू हुदैन, दुखी पीडित र बिपन्नको सहयोगको लागि पनि केहि गरौं भन्ने भावनाले चलचित्रको च्यारेटी सो देखाउन लागेको लामाले बताए । सामाजिक र सेवा भावले गर्न लागेको यो कार्यक्रममा सबै नेपालीको साथ र सहयोगको लागि समेत लामाले सबै संग अनुरोध गरेका छन ।
“सिटामोल” एउटा नेपाली सामाजिक कथानक फिल्म हो, जसले एउटा ग्रामीण गाउँको भ्रमण गराउँछ जहाँ “सिटामोल” (जसले सम्भवतः सामान्य औषधीको प्रतीक हो) जस्ता आवश्यक औषधीहरू पाउन पनि निकै कठिनाइ हुन्छ। यसै सन्दर्भबाट एक वृद्धसँग एउटा गम्भीर स्वास्थ्य समस्या आइपर्दा, गाउँका बासिन्दाहरूले मिलेर उहाँको उपचारको उपाय खोज्ने प्रयास गरिरहेका छन्। यस खोजक्रममा उनीहरूलाई गरीबी, खराब बाटो, अस्पतालको पहुँच र सरकारी उदासीनता जस्ता समसामयिक समस्याहरूले थिच्छन्। तर यस्ता कठिनाइहरूका बाबजुद, मानवीय एकता, सहकार्य, र आशाको भावनाले जीवनमा उज्यालो ल्याउने प्रयासलाई चित्रण गरिएको छ।
