टोरन्टो, सेप्टेम्बर ५ | क्यानडामा पहिलो पटक एलोन मस्कको न्यूरालिङ्क ब्रेन चिप प्रत्यारोपण गरिएको छ। टोरन्टो वेस्टर्न अस्पतालका दुई बिरामी यस प्रविधि प्राप्त गर्ने पहिलो क्यानेडियन बनेका छन्।
युनिभर्सिटी हेल्थ नेटवर्क (UHN) ले बिहीबार जारी विज्ञप्तिमा अगस्ट २७ र सेप्टेम्बर ३ मा सम्पन्न शल्यक्रियामार्फत बिरामीहरूको मस्तिष्कमा वायरलेस ब्रेन–कम्प्युटर इन्टरफेस सफलतापूर्वक प्रत्यारोपण गरिएको जानकारी दिएको छ।
यो शल्यक्रिया क्यानडामा मात्र होइन, संयुक्त राज्य अमेरिकाबाहिर गरिएको पहिलो न्यूरालिङ्क प्रत्यारोपण भएको दाबी पनि UHN ले गरेको छ।
न्यूरालिङ्क प्रविधि शारीरिक अपाङ्गता भएका व्यक्तिहरूलाई कम्प्युटर तथा अन्य उपकरण सीधै दिमागमार्फत नियन्त्रण गर्न मद्दत गर्ने उद्देश्यले विकास गरिएको हो। विशेषज्ञहरूले यसलाई भविष्यको चिकित्सा क्षेत्रमा महत्त्वपूर्ण उपलब्धि मानिरहेका छन्।
तस्विर ग्राफिस : Chatgpt