टोरन्टो विभिन्न समुदाय, संस्कृति र सामाजिक क्षेत्रका व्यक्तिहरूलाई एउटै थलोमा जोड्दै आपसी सम्बन्ध, सहकार्य र एकताको भावना सुदृढ गर्ने उद्देश्यले स्कारबोरोमा ‘नमस्ते पभिलियन दिवस’ आयोजना हुने भएको छ।

नमस्ते पभिलियन रेस्टुरेन्ट तथा कार्यक्रम केन्द्रको आयोजनामा आगामी अगस्ट १६, २०२६ मा हुने उक्त कार्यक्रम बिहान ११ः३० बजेदेखि दिउँसो २ः३० बजेसम्म सञ्चालन हुनेछ। स्कारबोरोस्थित नमस्ते पभिलियन रेस्टुरेन्ट तथा कार्यक्रम केन्द्रमा आयोजना हुने कार्यक्रममा विभिन्न क्षेत्र र समुदायका प्रतिनिधिहरूको सहभागिता रहने अपेक्षा गरिएको छ।

विविध संस्कृतिलाई एउटै मञ्चमा ल्याएर आपसी एकता र सहकार्यलाई प्रवर्द्धन गर्ने मूल उद्देश्यसहित आयोजना हुन लागेको कार्यक्रममा सांस्कृतिक प्रस्तुति, सामाजिक सम्बन्ध विस्तार तथा व्यावसायिक भेटघाटलाई विशेष प्राथमिकता दिइएको छ।

कार्यक्रममा सांसद, नगर परिषद्का सदस्य, व्यवसायी, समुदायका अगुवा, सांस्कृतिक प्रतिनिधि, अतिथि तथा शुभेच्छुकहरूको सहभागिता रहने आयोजकले जनाएको छ। विभिन्न क्षेत्रका व्यक्तिहरूबीच परिचय, संवाद र सम्बन्ध विस्तारका लागि कार्यक्रम महत्वपूर्ण अवसर बन्ने अपेक्षा गरिएको छ।

नमस्ते पभिलियन दिवसले सम्बन्ध निर्माण, नयाँ अवसरको खोजी, सांस्कृतिक पहिचानको संरक्षण तथा उत्सव, समुदाय सुदृढीकरण र समुदाय सशक्तीकरणलाई प्रमुख आधार बनाएको छ। विभिन्न समुदायका कला, संस्कृति, परम्परा र पहिचानलाई एकअर्कासँग जोड्दै सामाजिक सद्भावलाई थप बलियो बनाउने लक्ष्य कार्यक्रमले लिएको छ।

कार्यक्रमलाई सफल बनाउन क्यानडा नेपाल वाणिज्य संघ, भारत–क्यानडा वाणिज्य संघ, स्कारबोरो व्यवसाय संघ, एमएस तथा स्थानीय लूप कार्यक्रम आयोजकहरू लगायतका संस्थाहरूको सहयोग तथा समर्थन रहेको आयोजकले जनाएको छ।

आयोजकका अनुसार टोरन्टोको बहुसांस्कृतिक समाजमा विभिन्न समुदायबीच आपसी समझदारी, संवाद र सहकार्य बढाउनु कार्यक्रमको महत्वपूर्ण उद्देश्य हो। विविधतालाई सम्मान गर्दै सबै समुदायलाई एउटै ठाउँमा भेला गराएर एकताको सन्देश प्रवाह गर्ने प्रयासस्वरूप कार्यक्रम आयोजना गर्न लागिएको हो।

‘सँगै आउनुहोस्, एकताको उत्सव मनाऔँ’ भन्ने भावनाका साथ आयोजना हुन लागेको कार्यक्रममा सबै समुदायका व्यक्ति तथा शुभेच्छुकलाई सहभागी हुन आयोजकले आह्वान गरेको छ।

कार्यक्रम स्कारबोरोस्थित 4438 Sheppard Avenue East , Unit 201
मा रहेको नमस्ते पभिलियन रेस्टुरेन्ट तथा कार्यक्रम केन्द्रमा हुनेछ। कार्यक्रममा सहभागी भएर विविध संस्कृतिको उत्सव मनाउँदै समुदायबीच थप बलियो सम्बन्ध निर्माण गर्न आयोजकले सबैलाई आग्रह गरेको छ।