५ जुलाई, क्यानाडाखवर.कम क्यालगरी व्युरो ।
नेपाली साहित्य समाज क्यालगरीले २०३ औ भानु जयन्तिको अवसरमा यहि जुलाई १५ (शनिवार) साहित्यिक गोष्ठी तथा अन्तक्रिया कार्यक्रम गर्ने भएको छ ।
नेपाली भाषा र संस्कृतिको संरक्षण तथा प्रबद्र्धन गर्ने उद्धेश्यले आयोजना गरिएको उक्त कार्यक्रममा नेपाली भाषा र संस्कृतिको संरक्षणमा भानुभक्त आचार्यको योगदान बिषयक छलफल र क्यालगरीमा रहि नेपाली भाषामा कलम चलाउने दर्जन भन्दा बढी श्रष्टाहरुले आफनो लेख रचना बाचन गर्ने समाजका अध्यक्ष दिपक ढकालले क्यानाडाखवरलाई जानकारी दिएका छन ।
नवगठित कार्यसमितीको शनिवार बसेको बैठकले क्यालगरीमा क्रियाशील सबै संघसंस्थाहरुलाई इमेल मार्फत निमन्त्रणा गर्ने निर्णय गरेको समाजका उपसचिव युवराज पौडेलले बताएका छन ।
उनले सबै नेपाली भाषीहरुलाई नर्थइस्ट स्थित नेपालीज कम्युनिटी अफ सोसाइटी क्यालगरीको सभा हलमा शनिवार साँझ ५ बजे उपश्थित हुनका लागि अनुरोध समेत गरेका छन ।