काठमाडौं । ‘द भोइस अफ नेपाल’ बाट नेपाली दर्शक–स्रोतामाझ चिनिएका डम्बर हिङमाङ र पृथ्वी खनालले समसामयिक विषयसँग जोडिएको ‘आमा मेरी रुँदै’ बोलको मार्मिक गीत सार्वजनिक गरेका छन् ।
सो गीतमा शब्द अनि स्वर खनाल र हिङमाङ दुबैको रहेको छ भने मिठो संगीत डम्बरले भरेका छन् ।
यतिबेला विश्व नै कोरोनाको माहामारीबाट गुज्रिरहेको छ । यो संकटको घडीमा यो गीतले सम्पूर्ण आमाहरुलाई समर्पण गर्दै नेपाल आमाको पीडालाई झल्काएको छ ।
यस गीतको संगीत संयोजन देवेश राईको रहेको छ भने भिडियो सम्पादन सागर लामिछाने मगरले गरेका छन् । यो बिषम परिस्थितिमा नेपाल आमाप्रति समर्पित सो गीत मेरो अनलाइन टिभीबाट बजारमा आएको छ ।
पुरा भिडियो हेर्न तलको लिङ्कमा क्लिक गर्नुहोस्