विश्वास लामा
नेपाली भाषी भूटानी गीतकार धर्मेन्द्र तिम्सिना क्षितिज द्वारा लिखित ‘तीजको रमझम’ बोलको तीज बिसेष गीत यही आउंदो सोमबार दमानस क्रियशन युटुब च्यानल मार्फत सार्वजनिक हुने भएको छ ।
गीतमा आवाज ‘द भ्वाइस अफ नेपाल सिजन ३’ मा चर्चा कमाएकी सुरक्षा सेन्चुरीको रहेको छ । उक्त गीतलाई संगीत बिकास चौधरीले दिएका हुन । यो गीतका एरेन्जर संजय हमाल रहेको छ भने गीतको छायांकन शिव ढकालले गरेका हुन । म्युजिक भिडियोको सम्पादनमा बीरबहादुर थारु रहेको छ । गीतलाई उषा मलाहा ‘सिम्रन’ ले निर्देशन गरेकी हुन् ।
रमझम शैलीमा तयार गरिएको तिजको गीतमा हामीले चर्चित मोडेल तथा नायिका अनु शाह र सिमा चौधरीलाई देख्न सक्छौ । यो गीतका गीतकार क्षितिजले हाल सम्म धेरै नेपाली गजल बिधामा, कविता बिधामा अनि रुबाई बिधामा पनि पुस्तकहरू निकाली सकेका छन् ।
